Ganapati Decoration: आकर्षक लाइटिंगने उजळून निघेल बाप्पा, मुंबईत फक्त 40 रुपयांपासून पर्याय उपलब्ध

मुंबई: यावर्षी 27 ऑगस्ट रोजी सर्वांचा लाडका बाप्पा घरोघरी विराजमान होणार आहे. गणेशोत्सवाची तयारी करण्यासाठी थोडेच दिवस शिल्लक राहिले आहेत. त्यामुळे गणेशभक्तांची लगबग सुरू आहे. गणेशोत्सवाच्या पार्श्वभूमीवर सजावटीच्या आणि पूजा साहित्याच्या वस्तूंनी बाजार सजले आहेत. गणेशभक्त घरगुती बाप्पांसाठी मखर आणि सजावटीचं साहित्य खरेदी करण्यासाठी गर्दी करत आहेत. तुम्ही देखील बाप्पाच्या सजावटीसाठी स्वस्तात मस्त साहित्याच्या शोधात असाल तर क्रॉफर्ड मार्केटजवळील प्रसिद्ध लोहार चाळ हे ठिकाण तुमच्यासाठी उपयुक्त ठरू शकतं.