'जुगाड' तर हिंदी शब्द; मग याला मराठीत काय म्हणतात? बहुतेकांना माहिती नाही उत्तर

अशाच शब्दांसाठीचे मराठी शब्द सांगणारी सीरिज आम्ही तुमच्यासाठी घेऊन येत असतो. यात आपण आजवर क्रिकेट, सिमेंट, पोलीस, टीव्ही, मोबाईल, इंटरनेट, डाऊनलोड, बँक, इंजेक्शन, स्क्रीनशॉट, सेल्फी अशा अनेक दररोज वापरल्या जाणाऱ्या इंग्रजी शब्दांचे मराठी अर्थ जाणून घेतले आहेत. आजही आम्ही तुमच्यासाठी असाच एक शब्द आणला आहे. मात्र तो इंग्रजी नसून हिंदी आहे.

हा शब्द आहे जुगाड. हा शब्द तुम्ही अनेकांच्या तोंडून ऐकला किंवा वाचलाही असेल. कोणत्याही निरूपयोगी गोष्टीपासून काहीतरी शक्कल लढवून बनवलेली नवी उपयोगाची वस्तू असो किंवा कोणतंही काम सुरू राहण्यासाठी केलेली वस्तूंसोबतची तडजोड असो, अशा अनेक गोष्टींसाठी आपण जुगाड हा शब्द वापरतो. मात्र, याला मराठीत काय म्हणायचं हे तुम्हाला माहिती आहे का?

अनेकांना यासाठीचा मराठी शब्द सांगता येणार नाही. जुगाडला मराठीमध्ये तजवीज, सोय, बंदोबस्त, युक्ती, क्लृप्ती , उपाय, तोडगा, तात्पुरती - कामचलाऊ व्यवस्था असे अनेक शब्द आपण वापरू शकतो. तुम्हालाही असे काही शब्द माहिती असतील, तर आम्हाला कमेंट करून नक्की सांगा.