Body Builder : हमाल ते बॉडी बिल्डर, 1 महिना सॅलड खाऊन कसं बदललं आयुष्य, VIDEO पाहून तुम्ही अवाक व्हाल

दादा सोबत जिमला जायला सुरुवात केली. तेव्हा त्याठिकाणी माझे अनेक मित्र मंडळी तयार झाली. त्यांच्या सपोर्टमुळे मी बॉडी बनवण्याच्या नादी लागलो. थोड्या दिवसांत माझी बॉडी थोडी व्यवस्थित झाल्यानंतर माझ्या मित्रांनी मला एका स्पर्धेत सहभागी होण्यास भाग पाडले. त्या स्पर्धेत मी टिकू शकलो नाही. त्यामुळे मी खूप निराश झालो होतो. असं वाटत होतं आपण यात खूप मागे आहोत. पुढे जाण्यासाठी खूप मेहनत घ्यावी लागेल. तेव्हा लक्षात आले होते की, स्पर्धेत येण्यासाठी मला काय काय करायला हवं.

मी सकाळी 4 वाजता उठून कामाला जातो. कारण उन्हाळ्यात आम्हाला काम जास्त असते. तेव्हापासून मी माझा नाश्ता सोबत ठेवतो. ओट्स, अंडी असा सकाळचा नाश्ता मी घेतो. त्यानंतर दुपारच्या जेवणात चिकन, राईस, सॅलड असा आहार असतो. सायंकाळच्या वेळी काही वेळा केळी तर काही वेळा ओट्स, अंडी असा सायंकाळचा नाश्ता असतो. त्यानंतर जिम ला जाऊन वर्क आऊट करतो. घरी आल्यानंतर पुन्हा जेवण घेऊन असा डाएट प्लॅन मी फॉलो करतो. कामाच्या गडबडीत सुद्धा मी तो चुकू देत नाही. यात खूप संघर्ष आहे. माझी फॅमिली आणि मित्र परिवार माझ्या पाठीशी आहे. म्हणून मी हे सर्व करू शकतो, असे रोशन सांगतात.