रेल्वेच्या एसी कोचमध्ये प्रवास करत होता लष्कराचा जवान, अचानक आले GRP; घेतली बॅगेची झडती, नंतर असं घडलं की...
- Published by:Priya Lad
Last Updated:
ट्रेनच्या एसी कोचमधून प्रवास करणाऱ्या लष्कराच्या जवानाची वागणूक पाहून टीटी हैराण झाला. त्याने नियंत्रण कक्षाला माहिती दिली. ट्रेन समस्तीपूर रेल्वे स्थानकावर येताच आरपीएफ-जीआरपीच्या संयुक्त पथकाने जवानाला घेरलं आणि त्याच्या बॅगची झडती घेण्यास सांगितलं.
नवी दिल्ली : ट्रेन क्रमांक 20503 दिब्रुगड-नवी दिल्ली राजधानी एक्स्प्रेस कटिहारहून समस्तीपूरच्या दिशेने वेगाने जात होती. आसाममधील दिमापूर इथं तैनात असलेला भारतीय लष्कराचा जवानही ट्रेनच्या एसी कोच बी-9 मध्ये प्रवास करत होता. पण त्याची वागणूक पाहून टीटी हैराण झाला. त्याने नियंत्रण कक्षाला माहिती दिली. ट्रेन समस्तीपूर रेल्वे स्थानकावर येताच आरपीएफ-जीआरपीच्या संयुक्त पथकाने जवानाला घेरलं आणि त्याच्या बॅगेची झडती घेण्यास सांगितलं. त्यानंतर असं घडलं की...
देवेंद्र दत्त असं या जवानाचं नाव आहे. ते आसामच्या दिमापूरमध्ये आसाम रायफल्समध्ये कार्यरत आहेत. हा जवान राजधानी एक्स्प्रेसच्या बी-9 एसी कोचमधून प्रवास करत होता. कटिहारमध्ये दारूच्या नशेत त्याने मोठा गोंधळ घातला. ट्रेनमध्येच दारू पीत होता, प्रवाशांशी गैरवर्तन करत होता. प्रवाशांनी याची माहिती ट्रेनमध्ये आरपीएफ आणि टीटीला दिली. टीटीने जवानाला समजावण्याचा प्रयत्न केला पण तो काही ऐकला नाही.
advertisement
टीटीने समस्तीपूर येथील कंट्रोलला घटनेची माहिती दिली आणि मदत मागितली.
माहिती मिळताच समस्तीपूर स्थानकावर आरपीएफ-जीआरपी पथक तैनात करण्यात आलं. राजधानी एक्स्प्रेस स्टेशनवर येताच जीआरपीने ट्रेनमध्ये गोंधळ घालणाऱ्या जवानाला ताब्यात घेतलं. त्याच्या बॅगेची झडती घेतली. तर त्यात दारूच्या चार बाटल्या आढळून आल्या. या जवानाने आरपीएफ-जीआरपीच्या पथकालाही हुलकावणी देण्याचा प्रयत्न केला. जीआरपी पोलीस ठाण्याचे प्रमुख व्हीपी आलोक यांनी सांगितलं की, जवानाला अटक करून तुरुंगात पाठवण्यात आलं आहे.
Location :
Assam
First Published :
October 22, 2024 12:43 PM IST
मराठी बातम्या/Viral/
रेल्वेच्या एसी कोचमध्ये प्रवास करत होता लष्कराचा जवान, अचानक आले GRP; घेतली बॅगेची झडती, नंतर असं घडलं की...
