Kitchen Jugaad : केसाचा कंगवा भाजीवर फिरवा; फक्त एकदा Video पाहा, पुन्हा पुन्हा कराल हा जुगाड

कंगव्याचा तुम्ही काय काय वापर करता, असं विचारलं तर साहजिकच कंगवा फक्त केस विंचरण्यासाठीच असतो, आणखी कशासाठी, असं तुम्ही म्हणाल. पण नाही, या कंगव्याचा आणखीसुद्धा वापर आहे. किचनमध्ये हा कंगवा तुमचं मोठं काम हलकं करेल. आता ते कसं. तर केसाचा कंगवा तुम्ही एकदा भाजीवर फिरवून पाहा. मग तुम्हाला याचा परिणाम समजेल.

आता नेमकं कंगवा भाजीवर फिरवल्याने काय होतं पाहुयात. व्हिडीओत महिलेने दाखवल्यानुसार तिनं पालेभाजी घेतली आहे. त्यावर ती कंगव्याचे दात फिरवत आहे. म्हणजे केस विंचरावेत तशी ती पालेभाजी विंचरून घेते आहे. तुम्ही व्हिडीओ पाहाल तर पालेभाजीची पानं अगदी सहज निघत आहेत, शिवाय ती बारीकही होते आहे म्हणजे चिरली जाते आहे. एरवी पालेभाजी साफ करणं म्हणजे खूप वेळ जातो. ती मोडा, नंतर चिरा. पण फक्त एका कंगव्याने हे काम सोपं आणि कमी वेळेत होतं.