या ठिकाणी ट्रॅफिक लाईट हिरव्या ऐवजी निळी, काय आहे कारण?

हे ठिकाण जपान आहे. हा देश तंत्रज्ञानाच्या बाबतीत अव्वल मानला जातो, मग इथे रंगाच्या बाबतीत एवढी मोठी चूक कशी झाली? खरं तर हा जुन्या परंपरेचा परिणाम आहे. प्रत्येक देशाच्या स्वतःच्या भिन्न श्रद्धा आणि परंपरा आहेत, ज्या शतकानुशतके चालत आलेल्या आहेत.

ही सगळी हेराफेरी जपानी भाषा आणि शब्दांमुळे झाली. शतकानुशतके, जपानमध्ये काळा, पांढरा, लाल आणि निळा या चार मुख्य रंगांसाठीशब्द तयार केले गेले. इथे निळ्या रंगाला AO म्हणतात. जर काही हिरव्याबद्दल बोलायचे असेल तर त्यालाही एओ म्हटलं जातं. म्हणून हा घोळ झाला.

ट्रॅफिक लाइट्सबद्दल बोलायचे झाल्यास, प्रथम जपान सरकारने आंतरराष्ट्रीय मानकांचे पालन करून सिग्नलसाठी हिरवा रंग निवडला. परंतु जपानच्या अधिकृत रहदारी नियम आणि कागदपत्रांमध्ये, हिरव्या रंगाला Ao म्हणतात. सरकार हिरवा रंग निवडत होते, पण जपानमधील सामान्य लोक आणि भाषा तज्ञ याला विरोध करत होते. त्यांचा असा विश्वास होता की जर जपानच्या नियमांमध्ये एओ रंगांचा वापर आवश्यक असेल तर त्यांनी तसं केलं पाहिजे.

आंतरराष्ट्रीय दबाव आणि अंतर्गत दबावादरम्यान प्रशासनाने नवा मार्ग शोधला. 1973 मध्ये त्यांनी पिरोजी रंगाचा लाईट निवडला. त्याचा दिवा हिरवा रंगाचा आहे पण त्याचा प्रकाश निळा पडतो. आज जरी लोक जपानमध्ये निळे ट्रॅफिक लाइट आहेत असे म्हणत असले तरी ते निळे नसून हिरवे आहेत.