10000000000 किमतीचं 'लिक्विड गोल्ड' चोरीला, ट्रक ड्रायव्हरने पळवलं, चोरीची पद्धत पाहून पोलीसही हैराण

ही चोरी सामान्य चोरी नव्हती. चोरांनी ही घटना अतिशय हुशारीने घडवली. मुख्य आरोपी रिचर्ड व्हॅलियर्स आणि त्याचे काही साथीदार होते. व्हॅलियर्स हा एक ट्रक ड्रायव्हर ज्याला मेपल सिरप व्यवसायाची चांगली माहिती होती. FPAQ गोदामातील सुरक्षा व्यवस्थेत काही त्रुटी होत्या, हे त्याला माहिती होतं.. गोदामात ठेवलेल्या बॅरल्सची वर्षातून एकदाच तपासणी केली जात असे, उर्वरित काळात विशेष देखरेख केली जात नव्हती. व्हॅलियर्स आणि त्याच्या टीमने याच गोष्टीचा फायदा घेण्याचा निर्णय घेतला.

2012 मध्ये FPAQ ला गोदामात काहीतरी गडबड असल्याचा संशय आला. जेव्हा त्यांनी बॅरल्स तपासायला सुरुवात केली तेव्हा त्यांना आढळलं की अनेक बॅरल्समध्ये मेपल सिरपऐवजी पाणी भरलेलं होतं. तपासात असं दिसून आलं की सुमारे 18.7 दशलक्ष कॅनेडियन डॉलर्स म्हणजे सुमारे 100 कोटी रुपये किमतीचे सुमारे 9600 बॅरल्स मेपल सिरप चोरीला गेले होते. ही चोरी इतकी मोठी होती की ती कॅनडाच्या इतिहासातील सर्वात महागड्या चोरींपैकी एक मानली गेली.

2012 च्या अखेरीस आरोपींना अटक करण्यात आली. खटल्यादरम्यान या प्रकरणाने आणखी बातम्या दिल्या. रिचर्ड व्हॅलियर्स चोरी, फसवणूक आणि कट रचण्यासह अनेक आरोपांमध्ये दोषी आढळला. 2017 मध्ये त्याला सात वर्षांच्या तुरुंगवासाची शिक्षा आणि 9.4 दशलक्ष डॉलर्सचा दंड ठोठावण्यात आला. त्याच्या काही साथीदारांनाही दोषी ठरवण्यात आलं, त्यांना नंतर सोडण्यात आलं. या प्रकरणामुळे मेपल सिरप व्यवसाय आणि FPAQ च्या सुरक्षा व्यवस्थेबद्दल अनेक प्रश्न उपस्थित झाले.

या चोरीमुळे क्युबेकच्या मेपल सिरप उद्योगाला मोठा धक्का बसला. FPAQ ला त्यांची सुरक्षा व्यवस्था आणखी मजबूत करावी लागली. तसंच या घटनेचा मेपल सिरपच्या किमतींवर परिणाम झाला, कारण बाजारात सिरपचा तुटवडा होता. ही कहाणी इतकी मनोरंजक होती की त्यावर एक पुस्तक लिहिलं गेलं आणि नेटफ्लिक्सने त्यावर 'डर्टी मनी' नावाचा एक माहितीपटही बनवला.