OMG! कधी पाहिलाय का आकाशात उडणारा सिंह? सोशल मीडियावर तुफान व्हायरल होतोय Video

व्हिडीओत तुम्ही पाहू शकता सिंह आकाशात उडत आहे. तो एकटा नाही. तर माणूस त्याच्यासोबत आहे. माणूस सिंहाला घेऊन पॅराग्लायडिंग करतो आहे. व्हिडिओमध्ये स्पष्टपणे दिसत आहे की सिंह पॅराग्लायडिंग हार्नेसने घट्ट बांधलेला आहे. तोसुद्धा शांत बसला आहे. डरकाळी फोडत नाही किंवा घाबरलेलाही नाही.

हा व्हिडिओ मयंक राय नावाच्या इन्स्टाग्राम अकाउंटवरून शेअर करण्यात आला आहे. जो आतापर्यंत लाखो लोकांनी पाहिला आहे. जरी हे दृश्य खूपच अनोखं असलं तरी या व्हिडिओबद्दल प्रश्न उपस्थित केले जात आहेत. प्राण्यांच्या हक्कांसाठी काम करणाऱ्या संघटनांनी यावर आक्षेप घेतला आहे. तर काही लोकांनी याला मानव आणि प्राण्यांमधील उत्कृष्ट प्रशिक्षण आणि विश्वासाचं उदाहरण म्हटलं आहे.