बाप रे बाप! 23 कोटींचा रेडा? त्याचा खुराक वाचाल तर डोक्याला हात माराल, खर्च अव्वाच्या सव्वा

अनमोलचे मालक पलविंदर सिंह यांनी दिलेल्या माहितीनुसार, हा मुर्रा प्रजातीचा रेडा आहे. त्याचं वय आहे जवळपास 8 वर्षे. त्याचा खुराक एवढा भक्कम असतो की, त्याच्यासाठी दररोज साधारण 1500 रुपये खर्च होतात. तो फक्त ताजी फळं, काजू आणि बदामच खातो.

पलविंदर सिंह यांनी सांगितलं की, 'अनमोलला प्रचंड मागणी येते. दररोज एकतरी ग्राहक त्याच्यासाठी विचारणा करतो. खरंतर मुर्रा प्रजातीच्या सर्वच रेड्यांना चांगली किंमत मिळते. त्यात अनमोल दिसायला रुबाबदार आणि ताकदवान आहे. त्यामुळे त्याची किंमत तब्बल 23 कोटी रुपये आहे. परंतु मी कधीच त्याला विकण्याचा विचार केलेला नाही किंवा भविष्यात कधी त्याला विकणारही नाही. कारण त्याला अगदी भावासारखं वाढवलं आहे. तो माझ्या कुटुंबाचा एक भाग आहे.' पलविंदर सिंह यांचं हे पशूप्रेम पाहून पर्यटक आणि ग्राहक अक्षरश: भारावून जातात.

पलविंदर सिंह हे अनमोलला मोठी मागणी आणि कोट्यावधींची किंमत मिळत असूनही त्याची विक्री करत नाहीत. उलट तो आणखी रुबाबदार कसा दिसेल, सुदृढ कसा राहिल यासाठी स्वतःच्या खिशातून पैसे खर्च करतात. त्यांना दररोज दीड हजार रुपयांचा खर्च करावा लागतो, तरी ते अनमोलला मायेनं पाळतात. परंतु त्यातून त्यांची काहीच कमाई होत नाही असं नाहीये.