Ramayan : रामायणातील एक प्रेमकथा! म्हणतात रावणाची मुलगी हनुमानाच्या प्रेमात पडली होती

रामकीण आणि रामकर रामायणानुसार, रावणाला त्याच्या तीन पत्नींपासून सात मुलं होती. त्याची पहिली पत्नी मंदोदरीपासून त्याला मेघनाद आणि अक्षय कुमार ही दोन मुलं झाली. त्याच वेळी, त्याला त्याची दुसरी पत्नी धन्यमालिनीपासून अतिकाय आणि त्रिशिरा नावाची दोन मुलं झाली. त्याच्या तिसऱ्या पत्नीपासून त्याला प्रहस्थ, नरांतक आणि देवांतक ही तीन मुलं झाली.

वाल्मिकी रामायणाच्या थाई आणि कंबोडियन आवृत्तींनुसार, लंका जिंकताना भगवान रामाने नल आणि नील यांना समुद्र ओलांडण्यासाठी पूल बांधण्याचं काम सोपवलं. जेव्हा नल आणि नील भगवान रामाच्या आज्ञेनुसार समुद्रावर लंकेला जाण्यासाठी पूल बांधत होते, तेव्हा रावणाने ही योजना उधळून लावण्याचं काम त्याची मुलगी सुवर्णमत्स्या हिला सोपवलं होतं. वडिलांची परवानगी मिळाल्यानंतर सुवर्णमाच्छाने वानर सैन्याने समुद्रात फेकलेले दगड गायब करण्यास सुरुवात केली. या कामासाठी तिने समुद्रात राहणाऱ्या तिच्या सहकाऱ्यांची मदत घेतली.

रामकीन आणि रामकेर रामायणात असं लिहिलं आहे की जेव्हा वानर सैन्याने फेकलेले दगड गायब होऊ लागले, तेव्हा हनुमान समुद्रात उतरला आणि हे दगड कुठे जात आहेत ते पाहिलं? त्याने पाहिलं की पाण्याखाली राहणारे लोक दगड उचलून कुठेतरी घेऊन जात होते. जेव्हा तो त्यांच्या मागे गेला तेव्हा त्याला एक मत्स्य कन्या त्यांना हे काम करायला भाग पडत असल्याचं दिसलं. कथेत असं म्हटलं आहे की सुवर्णमाच्छा हनुमानाला पाहताच त्याच्या प्रेमात पडली.