घाबरलेला सिक्युरिटी गार्ड बँकेत गेला, म्हणाला, 'सर माझ्या खात्यात...', अकाऊंट पाहून मॅनेजर धक्क्यात

राज्य सायबर सेलने सायबर फसवणूक करून लोकांच्या पैशांची फसवणूक करणाऱ्या टोळीचा पर्दाफाश केला आहे. स्टेट सायबर सेल पोलिसांनी आरोपीला जबलपूर आणि सतना इथून ताब्यात घेतलं आहे. आरोपींमध्ये 2 मुली आणि 10 तरुणांचा समावेश आहे. अटक आरोपींना जबलपूर जिल्हा न्यायालयात हजर करण्यात आलं. त्यांना 14 दिवसांची न्यायालयीन कोठडी सुनावण्यात आली.

सतना येथील रहिवासी अंजार हुसैनने दिल्ली, गुडगाव, उत्तर प्रदेश, रायपूर, हरियाणा, तामिळनाडू, पश्चिम बंगाल यासह देशातील अनेक राज्यांमध्ये आपल्या टोळीचा विस्तार केल्याचं चौकशीत उघड झालं आहे.  अटक करण्यात आलेले आरोपी लोकांना फसवून त्यांचे खाते उघडायचे. त्यानंतर फसवणूक करणाऱ्या टोळीला खाती उपलब्ध करून देण्यात आली. यानंतर त्या खात्यांद्वारे सायबर फसवणूक करून भामट्यांनी कोट्यवधी रुपयांचा गंडा घातला. अटक आरोपींना बँक व्यवहाराच्या मोबदल्यात मोठं कमिशन दिलं जात होते.

सायबर सेलच्या म्हणण्यानुसार, मनी लाँडरिंगसाठी उघडलेल्या खात्यांमध्ये UPI द्वारे पैसे मिळाले. ही रक्कम फार मोठी नव्हती. या खात्यांमध्ये फसवणूक करणारे अल्प प्रमाणात कर जमा करायचे. यानंतर ही रक्कम मोठ्या प्रमाणात पोहोचल्यावर ती नेट बँकिंगद्वारे काढण्यात आली. चेन्नई आणि आसपासच्या परिसरातून पैसे काढण्याचं काम केलं जात होतं. एटीएस अनेक महिन्यांपासून या टोळीवर लक्ष ठेवून होती. ही टोळी खात्यांमध्ये कोट्यवधींचे व्यवहार करून त्यांचा देशविरोधी कारवायांसाठी वापर करत असल्याचा संशय एटीएसला होता. एटीएसने गोपनीय पद्धतीने प्रत्येक खाते आणि त्यात होणारे व्यवहार तपासले. अटक करण्यात आलेल्या सर्व 12 आरोपींच्या हालचालींवर नजर ठेवण्यात आली होती, मात्र हे प्रकरण सायबर फसवणुकीशी संबंधित असल्याचं लक्षात येताच एटीएसने हे प्रकरण राज्य सायबर सेलकडे सोपवलं.