पुणे पेपरफुटी प्रकरणात नवा ट्विस्ट, टेलिग्रामवरून 600 रुपयांत सौदा; कसा लुटायचा विद्यार्थ्यांना?

पुणे : राज्यभरात सध्या दहावीची परीक्षा सुरू आहे. ही परीक्षा कॉपीमुक्त पार पडावी यासाठी राज्य शिक्षण मंडळाकडून खबरदारी घेतली जात आहे. त्यासाठी विविध उपाय योजना केल्या जात आहेत. मात्र तरीही अनेक ठिकाणी मोठ्या प्रमाणात कॉपीचे प्रकार सुरू असल्याचं उघडकीस येत आहे. दरम्यान पुणे पेपरफुटी प्रकरणाला आता एक नवीन आणि धक्कादायक वळण मिळाले आहे. पेपर फोडल्याचा बनाव करून टेलिग्रामच्या माध्यमातून शेकडो विद्यार्थ्यांची आर्थिक फसवणूक करणाऱ्या मुख्य सूत्रधाराला पुणे पोलिसांनी बेड्या ठोकल्या आहेत. चैतन्य शेंडे (रा. चंद्रपूर) असे या संशयित आरोपीचे नाव असून, तो स्वतः नर्सिंगचा विद्यार्थी असल्याचे समोर आले आहे.