₹50 च्या राखीसाठी द्यावे लागणार ₹7000! बहिणीने कुरियर कंपनीला शिकवला चांगलाच धडा, नेमकं प्रकरण काय आहे?

ग्राहक मंचात पीडित महिलेची बाजू मांडणारे वकील संतोष सोनी यांनी सांगितलं की, इंद्रजसिंग ठाकूर हे नरयावलीचे रहिवासी आहेत. त्यांच्या पत्नी शकुनबाई ठाकूर यांनी 21 ऑगस्ट 2023 रोजी रक्षाबंधनानिमित्त राजस्थानमधील डिडवाना जिल्ह्यात राहणारे त्यांचे भाऊ नटराज गुजराणिया यांना 'मधुर कुरियर' कंपनीमार्फत राखी पाठवली होती. यासाठी 50 रुपये शुल्क आकारण्यात आले होते आणि त्याची पावतीही देण्यात आली होती. 30 ऑगस्ट 2023 रोजी रक्षाबंधन होतं. मधुर कुरियरच्या कर्मचाऱ्यांनी तोंडी सांगितलं होतं की, रक्षाबंधनाच्या 3 दिवस आधी राखी पोहोचेल. पण, कुरियर पोहोचलेच नाही. त्यांनी कुरियर कंपनीकडे तक्रार केली, पण समाधानकारक उत्तर मिळालं नाही.

कुरियर कंपनीने कुरियर न तर ठरलेल्या ठिकाणी पोहोचवले, न ते परत केले. यामुळे तक्रारदार आनंदाने आणि उत्साहात रक्षाबंधन साजरा करू शकली नाही. यामुळेच हे प्रकरण कोर्टात दाखल करण्यात आले. अध्यक्ष राजेश कोष्टा आणि सदस्य अनुभा वर्मा यांनी कुरियर कंपनीला, तक्रारदाराला दोन महिन्यांच्या आत 20 रुपये कुरियर शुल्क, सेवेत कमतरता असल्याबद्दल 5000 रुपये वार्षिक 6 टक्के व्याजासह आणि 2000 रुपये खटल्याच्या खर्चापोटी, असे एकूण 7050 रुपये देण्याचे आदेश दिले आहेत.