Heart Attack : चालता-फिरता हार्ट अटॅकला कारणीभूत ठरतेय एक गोष्ट, 80% भारतीयांना माहितीच नाही, डॉक्टरांनी सांगितलं ते कारण

गंगाराम हॉस्पिटलमधील हृदयरोगतज्ज्ञ डॉ. अश्विनी मेहता म्हणाल्या की, लिपिड प्रोफाइल म्हणजे एकूण कोलेस्ट्रॉल. गूड कोलेस्ट्रॉल, बॅड कोलेस्ट्रॉल, नॉन एचडीएल कोलेस्ट्रॉल, लिपो प्रोटीन आणि ट्रायग्लिसराइड या 5 गोष्टी लिपिड प्रोफाइलमध्ये येतात. जर तुमच्या शरीरात कोलेस्ट्रॉलचं प्रमाण जास्त असेल तर तुमचं वय कितीही असो, तुम्हाला हृदयविकाराचा झटका येण्याचा धोका जास्त असतो.

डॉ. रामकृष्णन म्हणतात की जर एखाद्याला हृदयविकाराचा झटका टाळायचा असेल तर प्रत्येक व्यक्तीने किमान एकदा तरी त्याचं कोलेस्टेरॉल म्हणजेच लिपिड प्रोफाइल चाचणी करून घेणं खूप महत्त्वाचं आहे. 40 वर्षांपेक्षा जास्त वयाच्या प्रत्येक व्यक्तीने ही चाचणी करून घेतली पाहिजे. दुसरीकडे, जर तुमच्या कुटुंबातील कोणाला हृदयविकाराचा झटका आला असेल किंवा हा अनुवांशिक आजार असेल, तर कोणत्याही वयात लिपिड प्रोफाइल चाचणी त्वरित करून घेतली पाहिजे.

डॉ. साहनी आणि डॉ. मेहता म्हणतात की सीएसआयने पहिल्यांदाच भारतासाठी तयार केलेल्या मार्गदर्शक तत्वांमध्ये असंतुलित कोलेस्टेरॉल म्हणजेच डिस्लिपिडेमिया नियंत्रित करण्याबद्दल संपूर्ण माहिती दिली आहे. केवळ डॉक्टरच नाही तर प्रत्येक सामान्य माणसाला त्याच्या शरीरात तयार होणाऱ्या कोलेस्टेरॉलबद्दल देखील माहिती असली पाहिजे जसं की त्याचे बीपी, शुगर. प्रत्येक व्यक्तीला त्याचे कोलेस्टेरॉल पातळी काय आहे हे माहित असले पाहिजे. जर ते असंतुलित असेल, पॅरामीटर्सनुसार नसेल, तर त्याने डॉक्टरांचा सल्ला घ्यावा आणि औषधे घ्यावीत.