ZP School: शाळेत झोपा काढणाऱ्या शिक्षकाचा Viral Video, जालन्यातून पुढे आला खरा प्रकार, नेमकं काय घडलं?

जालना: सध्या जिल्हा परिषदेच्या काही शाळांत ‘प्रवेश बंद’चे बोर्ड लागले आहेत. तर काही ठिकाणी शाळांची दुरावस्था कायम आहे. नुकतेच जालना जिल्ह्यातील एका जिल्हा परिषद शाळेत वर्ग सुरू असतानाच एक शिक्षक खुर्ची अन् टेबलावर झोपी गेल्याचा व्हिडिओ व्हायरल झाला. जाफराबाद तालुक्यातील गाडेगव्हाणच्या जिल्हा परिषद शाळेतील या प्रकाराने शिक्षण व्यवस्थेबाबत प्रश्न उपस्थित होत आहेत. आता शिक्षण विभागाला खडबडून जाग आली अशून शिक्षक विष्णू कडूबा मुंडे यांच्यावर निलंबनाची कारवाई करण्यात आली. परंतु, त्या दिवशीचा प्रसंग नेमका काय होता? याबाबत लोकल18 च्या माध्यमातून जाणून घेऊ.