viral : आजीने काय खुर्ची सोडली नाय अन् शेवटी पोराचा तलाकच झाला, असं काय घडलं 'निकाह'मध्ये?

बुलंदशहर : खुर्चीचा मोह फक्त राजकारणातील किंवा मोठ्या पदावरील मंडळींनाच असतो असं वाटत असेल तर तुमचा काहीतरी गैरसमज होतोय. सर्वसामान्य माणसांनाही खुर्चीचा मोह सोडवत नाही. खुर्चीवरुन त्यांची भांडणं होऊ शकतात. ती विकोपाला जाऊ शकतात. अगदी नवदाम्पत्यही याला अपवाद नाहीत. लग्न म्हटलं की वधूपक्ष आणि वरपक्ष, त्यांचे मानापमान, रुसवे-फुगवे आलेच. उत्तर प्रदेशातील बुलंदशहरमध्ये एका लग्नात वधूपक्ष आणि वरपक्षातील मंडळींच्यात कुणी कुठल्या खुर्चीवर बसायचं यावरुन भांडणाची ठिणगी पडली. हे भांडण एवढं विकोपाला गेलं की लग्नाच्याच मांडवात घटस्फोटही झाला.