24 तास वाजवतोय राष्ट्रगीत, शेजारी चांगलीच वैतागलीय, यामागचं कारण ऐकून तुम्ही म्हणाल, "काय विचित्रपणा..."

ऑडिटी सेंट्रलच्या रिपोर्टनुसार, रशियातील व्होल्गोग्राड येथील एका निवासी इमारतीमधील एक माणूस त्याच्या विचित्र कृत्यांनी शेजाऱ्यांना त्रास देत आहे. त्याच्या घरात दिवसरात्र देशभक्तीपर गाणी मोठ्या आवाजात वाजतात. जर ती थांबली, तर कुत्र्यांच्या भुंकण्याचा आवाज सुरू होतो. यामागचं कारणही रंजक आहे.

व्होल्गोग्राडमधील ही इमारत 5 फेब्रुवारीपर्यंत शांत होती, तोपर्यंत एक माणूस शेजारी राहायला आला. आल्यानंतर एक-दोन दिवसातच त्याने मोठ्या आवाजात गाणी वाजवायला सुरुवात केली. तो 24 तास मोठ्या आवाजात देशभक्तीपर गाणी वाजवत असतो. जर ही गाणी थांबली, तर तो त्याजागी कुत्र्यांच्या भुंकण्याचा आवाज लावतो. त्यामुळे, संपूर्ण इमारतीत राहणाऱ्या लोकांचं जीवन नरकमय झालं आहे. या संगीत त्रासातून सुटका मिळवण्यासाठी त्यांनी पोलिसांनाही बोलवलं, पण कोणीही त्याला थांबवू शकलेलं नाही.

इमारतीत राहणारी एक महिला सांगते की, या माणसाने काही वर्षांपूर्वी अपार्टमेंटमध्ये एक खोली विकत घेतली होती. गेल्या वर्षी तो आला आणि म्हणाला की, त्याला संपूर्ण अपार्टमेंट विकत घ्यायचं आहे आणि शेजाऱ्यांना ते विकायला सांगितलं. महिला सांगते की, तिच्याकडे जायला दुसरी जागा नाही, त्यामुळे तिने नकार दिला, तेव्हा त्या माणसाने तिला जीवन नरक बनवण्याची धमकी दिली.