कुत्र्याचा झाला मृत्यू, विरह सहन होईना, महिलेने खर्च केले 19 लाख अन् पुन्हा जिवंत केला कुत्रा!

चीनमधील एका महिलेचं तिच्या पाळीव कुत्र्यावर खूप प्रेम होतं, त्यामुळे त्या कुत्र्याच्या जाण्याचा तिला खूप मोठा धक्का बसला. शांघायमध्ये राहणाऱ्या या महिलेने आपल्या पाळीव कुत्र्याला पुन्हा जिवंत करण्यासाठी तब्बल 19 लाख रुपये खर्च केले. तुम्हाला आश्चर्य वाटलं असेल, हे कसं शक्य आहे? चला, जाणून घेऊया या महिलेने हा चमत्कार कसा केला.

साउथ चायना मॉर्निंग पोस्टनुसार, शांघायमधील हांगझोऊ येथे राहणाऱ्या 'शू' नावाच्या महिलेने 2011 मध्ये एक डोबरमन कुत्रा विकत घेतला. तिने त्याचं नाव 'जोकर' ठेवलं आणि ती त्याच्यावर खूप प्रेम करायची. ती एकटी राहत असताना, जोकरमुळे तिला सुरक्षित वाटायचं आणि त्यांचं नातं खूप खास होतं. पण, 9 वर्षांचा असताना जोकरच्या मानेला कर्करोग झाला. महिलेने त्याची शस्त्रक्रिया केली, जी जोकरने धैर्याने सहन केली. 11 वर्षांचा झाल्यावर, जोकरला हृदयविकाराचा झटका आला आणि तो मरण पावला. जोकरच्या मृत्यूमुळे महिलेला मोठा धक्का बसला.