जिंकणारच नाही असं समजून घेतलेलं तिकीट फेकलं; पण त्याच नंबरने जिंकली 83 लाखाची लॉटरी, अन् मग..

न्यूयॉर्क पोस्ट या इंग्रजी वेबसाइटमध्ये प्रसिद्ध झालेल्या वृत्तानुसार, व्हर्जिनिया येथील रहिवासी जॅचरी क्लेमेंट्स हा डिलिव्हरी ड्रायव्हर आहे. या व्यक्तीचं काम त्याच्या ट्रकमधून इकडे-तिकडे ग्राहक आणि त्यांचं सामान ने-आण करण्याचं होतं. जेणेकरून यातून मिळणाऱ्या पैशातून तो आपलं घर चालवू शकेल. एके दिवशी या व्यक्तीसोबत एक अनोखी घटना घडली. त्याने एका दुकानातून सहजच लॉटरीचं तिकीट विकत घेतलं. ते विकत घेतल्यानंतर, त्याला वाटलं की लॉटरी जिंकण्याइतकं आपलं नशीब कुठे आणि त्याने गाडीच्या आतच ते तिकिट कुठेतरी फेकलं आणि तो आपल्या कामात व्यस्त झाला.

अशा स्थितीत काही दिवसांपूर्वी तो ट्रक साफ करत असताना त्याला ते तिकीट मिळालं. त्याने एकदा ते स्क्रॅच करून पाहिलं. ते स्क्रॅच करताच त्याचं नशीब पालटलं. त्यानी बसल्या बसल्या 83 लाख रुपयांची लॉटरी जिंकली. त्याने लॉटरी कार्यालयात फोन केला तेव्हा तेथील अधिकाऱ्यांनी सांगितलं की तो आता लखपती झाला आहे. हे ऐकून त्याच्या पायाखालची जमीनच सरकली.

मीडियाशी बोलताना क्लेमेंट्स म्हणाला की, हे सर्व पैसे मी माझ्या डिलिव्हरीच्या कामात गुंतवणार आहे, जेणेकरून मला माझा व्यवसाय वाढवता येईल. ट्रक ड्रायव्हरसोबत घडलेली ही घटना हे सिद्ध करते की आयुष्यात कधी कधी काही गोष्टी अनपेक्षितपणे येतात