विचित्र घटना! गर्लफ्रेंडसोबत निवांत झोपला होता बाॅयफ्रेंड, इतक्यात आला कुत्रा अन् झाडली गोळी

जेराल्ड किर्कवुड नावाच्या व्यक्तीने सांगितले की, तो त्याच्या मैत्रिणीसोबत पलंगावर झोपला होता. दरम्यान, त्याचा पाळीव पिटबुल कुत्रा ओरिओ उडी मारून पलंगावर आला. त्याने बंदुकीच्या ट्रिगरवर पंजा ठेवला आणि काही क्षणांत गोळी झाडली गेली. सुदैवाने, गोळी मांडीला लागून बाहेर गेली. जेराल्डला तातडीने रुग्णालयात नेण्यात आले आणि डॉक्टरांनी त्याच्यावर उपचार केले. सध्या त्याची प्रकृती धोक्याबाहेर आहे.

या प्रकरणाची माहिती पोलिसांना देण्यात आली, तेव्हा त्यांना विश्वास बसला नाही. मात्र, मुलीने संपूर्ण घटना सांगितली आणि सांगितले की, गोळी झाडल्यानंतर तिने ती बंदूक लपवली. सध्या पोलीस या प्रकरणाचा तपास करत आहेत, तर जेराल्ड किर्कवुड बरा होत आहे. ही घटना एक अपघात आहे, पण गोळी दुसरीकडे लागली असती, तर प्रकरण पूर्णपणे बदलले असते.