Indian Railway : एसी कोचमध्ये कमी कुलिंगची तक्रार, कर्मचाऱ्याने एसी डक्ट उघडताच सगळेच हादरले, पाहा Video

लखनऊ-बरौनी एक्सप्रेसच्या एसी कोचमध्ये कमी कूलिंग असल्याच्या तक्रारीवरून समोर आलेली बाब अतिशय धक्कादायक होती. कर्मचाऱ्याने एसीच्या तपासणीसाठी एसी डक्ट उघडला तेव्हा त्यांना धक्काच बसला. या एसी डक्टमध्ये मोठ्या प्रमाणात दारूच्या बाटल्या लपवलेल्या आढळल्या. नंतर संपूर्ण कोचची झडती घेण्यात आली, ज्यामध्ये एकूण 150 हून अधिक बाटल्या जप्त करण्यात आल्या. विशेष म्हणजे या ट्रेनमध्ये यापूर्वीही दारू तस्करीच्या घटना समोर आल्या आहेत, परंतु लखनऊ स्टेशनवर अशा प्रकारची घटना पहिल्यांदाच पकडली गेली आहे.