दुकानात चोरी पण CCTV फुटेज पाहून चोरट्याचं होतंय कौतुक, का? Watch Video

चोरी करण्यासाठी हा चोर एका दुकानात घुसला. चोरीच्या उद्देशाने दुकानात घुसलेल्या या चोराने असं काही केलं, ज्यामुळे लोक त्याचं कौतुक करत आहेत. आता तुम्ही म्हणाल चोर चोरी करायला गेला पण त्याने चोरीचा प्लॅन रद्द केला तर तसं बिलकुल नाही. पण चोरी करण्यापूर्वी त्याने असं काहीतरी केलं ज्यामुळे लोकांचं लक्ष वेधलं गेलं. यानंतर लोकांनी या चोराला सुसंस्कृत चोर म्हणायला सुरुवात केली आणि व्हिडिओ मोठ्या प्रमाणात शेअर करायला सुरुवात केली.

व्हायरल होत असलेला व्हिडिओ त्याने ज्या दुकानात चोरी केली त्याच दुकानातील सीसीटीव्हीवरून घेण्यात आला आहे. व्हिडीओत तुम्ही पाहू शकता चोरट्याने प्रथम दुकानाच्या शटरचं कुलूप तोडलं. यानंतर तो हळूहळू आत येऊ लागला. चोराने प्रथम दुकानातील टेबल पायानं ढकललं. यामुळे तिथं ठेवलेली दुर्गा मातेची प्रतिमा थेट चोराच्या पायावर पडली. चोराला हे कळताच त्याने लगेच तो फोटो उचलला, कपाळाला लावला आणि देवाकडे क्षमा मागितली.