तरुण रस्त्याच्या मध्यभागी बेशुद्ध पडला, कुत्र्यानं केलं असं काम की ...

तरुण रस्त्याच्या मधोमध बेशुद्ध पडला होता आणि एक कुत्रा त्याचा बॉडीगार्ड म्हणून पहारा देत होता. याचा एक फोटोही सध्या सोशल मीडियावर व्हायरल होतोय. दोघांची बॉन्डिंग पाहून तुम्हीही चकित व्हाल.

समोर आलेली घटना उत्तर प्रदेशमधील सहानपूरमधील आहे. याठिकाणी एक तरुण दारु पिऊन बेशुद्ध पडला होता. तो रस्त्याच्या मधोमध पडला होता मात्र कोणीही त्याला तेथून हटवलं नाही किंवा त्याची मदत केली नाही. तेवढ्यात एक कुत्रा तेथे येऊन थांबला. तरुणाच्या जवळून गाडी जाताना तो भुंकायचा. शेवटी तिछे पोलीस आले आणि त्यांनी तरुणाला तेथून हटवलं.

पोलीस तेथे आल्यावर तो त्यांच्यावरही भुंकू लागला. पोलिसांनी त्याला बाजूला नेऊन तरुणाला शुद्ध येईपर्यंत तो कुत्रा तिथेच उभा होता. मग तरुणाला शुद्ध येताच कुत्रा आनंदी झाला आणि शेपूट हलवू लागला. तरुणानंही त्याचे लाड केले.

पोलिसांनी तरुणाला विचारलं हा त्याचा कुत्रा आहे का? तर तरुण म्हटला नाही. मी त्याला दररोज काही ना काही खायला द्यायचो. त्यामुळे तो मला ओळखतो. या घटनेनंतर अनेकांनी कुत्र्याचं कौतुक केलं.