दूधाला भाव मिळाला नाही, गड्यानं स्वत:चीच डेअरी टाकली, आज 1500 शेतकऱ्यांसोबत करतोय काम, लाखोंची कमाई

बेगूसराय जिल्ह्यातील मंझौल येथील रहिवासी धीरज सिंह यांनी याबाबत माहिती दिली. त्यांनी सांगितले की, दूध समितीमध्ये दूधाला योग्य भाव मिळत नसल्याने त्यांनी स्वत: डेअरी फार्म सुरू करण्याचा निर्णय घेतला. यावेळी त्यांनी उद्योग विभागाकडून 25 लाखांचे कर्ज घेऊन व्यवसाय सुरू केला. मागील 4 वर्षांपासून हा व्यवसाय सुरू आहे. सध्या त्यांच्याकडे सुमारे 150 शेतकऱ्यांचे 1500 लिटर दूध येत आहे. या दुधाचा वापर मजूर आणि दूध प्रक्रिया यंत्राच्या साहाय्याने करून दररोज दूध, पनीर, तूप, मलई असे वेगवेगळे पदार्थ तयार केले जातात.

यानंतर, दूधापासून बनवलेल्या या उत्पादनांना कूलर मशीन वापरून थंड करण्यासाठी साठवले जाते. हे मशीन ताजेपणा टिकवून ठेवण्यास आणि वस्तू लवकर खराब होऊ नये, यासाठी देखील मदत करते. 250 लिटर ते 10 हजार लिटर दूध थंड करण्याची क्षमता असलेली यंत्रे बसवण्यात आली आहेत. या कारखान्यात 10 कामगार शिफ्टनुसार काम करतात. दररोज त्यांना 700 रुपये मिळतात, असे या कामगारांनी सांगितले.

धीरज सिंह यांनी आपल्या व्यवसायाबाबत सांगितले की, दररोज 1500 लीटर दूधापासून विविध उत्पादने तयार करण्यासाठी त्यांना 60 ते 70 हजार रुपये खर्च येतो. अशा स्थितीत जेव्हा हे उत्पादन बाजारात विकले जाते तेव्हा त्याची किंमत 80 ते 85 हजार रुपये आहे. तसेच दुग्धजन्य पदार्थातून त्यांना दररोज पाच हजार रुपयांचे उत्पन्न मिळत आहे. अशा परिस्थितीत, जर तुम्हीही बेगुसराय किंवा बिहारच्या जवळपासच्या जिल्ह्यांतील किंवा जिथे प्राण्यांची संख्या जास्त असेल, तर डेअरी फार्म तुमच्यासाठी मोठ्या कमाईचा स्रोत ठरू शकतो, असेही त्यांनी सांगितले.