कृषी हवामान : ऐन दिवाळीत शेतकऱ्यांवर अवकाळीचं संकट, रविवारपर्यंत कोणत्या जिल्ह्यांना अलर्ट? कृषी सल्ला काय?

हवामान विभागाच्या अंदाजानुसार, रायगड, रत्नागिरी, पुणे, सातारा, नाशिक, अहमदनगर (अहिल्यानगर), बीड, धाराशिव, लातूर, जालना, छत्रपती संभाजीनगर, धुळे आणि जळगाव या जिल्ह्यांना अवकाळी पावसाचा धोका आहे.

या अवकाळी पावसामुळे आधीच नुकसानग्रस्त झालेल्या शेतकऱ्यांना पुन्हा फटका बसू शकतो. सध्या राज्यातील अनेक भागात सोयाबीन, मका, भात आणि कापूस या पिकांची काढणी सुरू आहे. या पिकांवर पावसाचे पाणी साचल्यास उत्पादनाचा दर्जा घसरू शकतो आणि आर्थिक तोटा वाढण्याची शक्यता आहे.

कृषी विभाग आणि हवामान तज्ज्ञांनी शेतकऱ्यांना पुढील सावधगिरीचे उपाय करण्याचे आवाहन केले आहे. जसे की, काढणी पूर्ण झालेल्या पिकांची तात्काळ थ्रेशिंग करून साठवणूक करा. शेतात कापणी केलेले सोयाबीन आणि मका पिके मोकळ्या जागेत न ठेवता ताडपत्रीखाली किंवा कोरड्या गोदामात साठवा. अजून शेतात उभी पिके असल्यास, निचऱ्याची सोय करा जेणेकरून पाणथळ होणार नाही. द्राक्ष आणि फळबाग शेतकऱ्यांनी फळांवरील फफूंदजन्य रोगांपासून बचावासाठी तज्ज्ञांच्या सल्ल्यानुसार फवारणी करावी. कांदा उत्पादकांनी साठवलेला कांदा हवेशीर आणि उंच जागी ठेवावा, जेणेकरून ओलावा निर्माण होणार नाही.