वर्षभर जोपासलं,अर्ध्या तासात गमावलं! शेतकऱ्याची व्यथा ऐकून तुमचेही डोळे पाणावतील

कांदा पिकाला चांगला भाव मिळत नसल्यामुळे अनेक शेतकऱ्यांनी कांदा चाळीमध्ये साठवून ठेवला आहे. मात्र ज्या शेतकऱ्यांकडे कांदा साठवण्यासाठी चाळी नाहीत.त्यांनी ताडपत्री खाली कांदा झाकून ठेवला.परंतु पाऊस मोठ्या प्रमाणात आल्यामुळे कांद्यासह लाखो रुपयांचे नुकसान झाले आहे.

अकोल्यात मंगळवारी संध्याकाळी सलग तीन तास मुसळधार पावसाने हजेरी लावली, आणि हवामान विभागानुसार हा मे महिन्यातील आतापर्यंतचा सर्वाधिक पाऊस होता. पावसामुळे नाल्यांमधील पाणी रस्त्यांवर ओसंडून वाहत आले, अनेक घरांमध्ये पाणी शिरले. वीज पुरवठा 15 तास खंडित राहिला, आणि इंटरनेट सेवाही ठप्प झाली. अकोल्यातील जिल्हा ग्रंथालय आणि स्त्री रुग्णालयात पाणी शिरल्याने प्रशासनाला धावपळ करावी लागली.