तुम्ही कुळातून जमिनीचे मालक झाले आहात का? तिची खरेदी-विक्री करता येते का? नियम काय सांगतो?

मुंबई : कूळ कायद्यांतर्गत शेतकऱ्यांना मिळालेल्या जमिनींच्या व्यवहारांबाबत राज्य शासनाने मोठा आणि दिलासादायक निर्णय घेतला आहे. वर्षानुवर्षे विक्री, हस्तांतरण, गहाण किंवा देणगीसाठी लागणाऱ्या परवानग्यांमुळे शेतकरी आणि जमीनधारकांना मोठ्या अडचणींचा सामना करावा लागत होता. ही गुंतागुंत कमी करण्यासाठी आणि नियम अधिक सुस्पष्ट करण्यासाठी कूळ कायद्यात महत्त्वपूर्ण सुधारणा करण्यात आल्या आहेत. या बदलांमुळे ठरावीक अटी पूर्ण केल्यास जमीन व्यवहार अधिक सुलभ होणार आहेत.