शेतकऱ्यांना कर्जमाफी देऊ पण.. मुख्यमंत्री देवेंद्र फडणवीस थेट बोलले
- Published by:Ajit Bhabad
Last Updated:
Farmer Loan Waiver : महाराष्ट्रात गेल्या काही दिवसांत झालेल्या अतिवृष्टी आणि पूरस्थितीमुळे शेतकऱ्यांचे मोठे नुकसान झाले आहे. या पार्श्वभूमीवर राज्याचे मुख्यमंत्री देवेंद्र फडणवीस यांनी दिल्ली दौऱ्यावर जाऊन पंतप्रधान नरेंद्र मोदी यांची भेट घेतली.
मुंबई : महाराष्ट्रात गेल्या काही दिवसांत झालेल्या अतिवृष्टी आणि पूरस्थितीमुळे शेतकऱ्यांचे मोठे नुकसान झाले आहे. या पार्श्वभूमीवर राज्याचे मुख्यमंत्री देवेंद्र फडणवीस यांनी दिल्ली दौऱ्यावर जाऊन पंतप्रधान नरेंद्र मोदी यांची भेट घेतली. या भेटीत त्यांनी पूरग्रस्तांना केंद्र सरकारकडून तातडीची मदत मिळावी, अशी मागणी केली.
advertisement
मुख्यमंत्री फडणवीस यांनी सांगितले की, राज्य सरकार लवकरच केंद्राकडे मदतीसाठी प्रस्ताव सादर करणार आहे. या प्रस्तावाच्या आधारे केंद्र सरकारकडून महाराष्ट्राला आर्थिक मदत मिळेल. पंतप्रधान मोदींनी देखील महाराष्ट्रातील शेतकऱ्यांच्या पाठीशी ठामपणे उभे असल्याचे आश्वासन दिले.
दिल्ली दौऱ्यातील चर्चा
मुख्यमंत्री फडणवीस शुक्रवारी दिल्ली दौऱ्यावर गेले होते. यावेळी त्यांनी पंतप्रधान नरेंद्र मोदींसमोर महाराष्ट्रातील पूरस्थिती, शेतकऱ्यांचे झालेले नुकसान आणि राज्यातील पुनर्वसनाची गरज याबाबत सविस्तर माहिती दिली. तसेच, त्यांनी पंतप्रधानांना एक अधिकृत निवेदनही सादर केले. या निवेदनावर मुख्यमंत्री आणि दोन्ही उपमुख्यमंत्र्यांच्या स्वाक्षऱ्या आहेत.
advertisement
फडणवीस यांनी पंतप्रधानांना सांगितले की, अनेक जिल्ह्यांमध्ये पिकांचे मोठे नुकसान झाले आहे. शेतकरी संकटात सापडले असून त्यांना तातडीची आर्थिक मदत आवश्यक आहे. या पार्श्वभूमीवर केंद्र सरकारने लवकरात लवकर आर्थिक सहाय्य द्यावे, अशी विनंती मुख्यमंत्र्यांनी केली.
कर्जमाफीचा मुद्दा
मुख्यमंत्री फडणवीस यांनी कर्जमाफीबाबतही भूमिका स्पष्ट केली. ते म्हणाले, “कर्जमाफीचे आश्वासन आम्ही दिले होते. त्यावर एक समिती काम करत आहे. योग्य वेळी ते पूर्ण केले जाईल. मात्र, सध्याच्या परिस्थितीत शेतकऱ्यांना थेट त्यांच्या खात्यात मदत पोहोचवणे ही प्राथमिक गरज आहे.”
advertisement
त्यांनी पुढे स्पष्ट केले की, पूरग्रस्त शेतकऱ्यांना उभारी देण्यासाठी तातडीच्या स्वरूपात मदतीची आवश्यकता आहे. दीर्घकालीन निर्णय वेगळे असतील, पण तत्काळ दिलासा मिळणे अधिक महत्त्वाचे आहे.
पंतप्रधानांचे आश्वासन
पंतप्रधान नरेंद्र मोदी यांनी महाराष्ट्रातील परिस्थिती गांभीर्याने घेतली असून, केंद्र सरकार शेतकऱ्यांच्या मदतीसाठी कटिबद्ध असल्याचे त्यांनी फडणवीस यांना आश्वस्त केले. केंद्र सरकारकडून लवकरच मदत जाहीर होईल, अशी अपेक्षा व्यक्त केली जात आहे.
advertisement
राज्यातील शेतकऱ्यांचे संकट दूर करण्यासाठी थेट खात्यात आर्थिक सहाय्य मिळणे हीच सध्याची सर्वात मोठी गरज असल्याचे मुख्यमंत्री फडणवीस यांनी स्पष्ट केले आहे. आता केंद्र सरकारकडून जाहीर होणाऱ्या मदतीकडे संपूर्ण राज्याचे डोळे लागले आहेत.
Location :
Mumbai,Maharashtra
First Published :
September 27, 2025 8:53 AM IST
