शेतकरी कर्जमाफी कायमस्वरूपी होणार? उपमुख्यमंत्री अजित पवारांनी थेट सांगितलं

कोल्हापूर : राज्यात शेतकऱ्यांच्या आत्महत्या थांबविण्यासाठी राज्य सरकारने महत्त्वाचा निर्णय घेतला आहे. याआधी 2017 मध्ये महात्मा जोतिबा फुले शेतकरी कर्जमाफी योजना आणि 2019 मध्ये छत्रपती शिवाजी महाराज शेतकरी कर्जमाफी योजना राबवून लाखो शेतकऱ्यांना कर्जमाफीचा दिलासा देण्यात आला होता. मात्र या योजना राबवल्यानंतरही शेतकऱ्यांच्या आत्महत्या कमी झाल्या नाहीत. त्यामुळे आता सरकारने शेतकऱ्यांना कायमस्वरूपी दिलासा कसा देता येईल? याचा अभ्यास करण्यासाठी विशेष समिती स्थापन केली आहे. या समितीचा अहवाल आल्यानंतर ठोस आणि दीर्घकालीन उपाययोजना करण्याची तयारी सरकारकडून आहे, अशी माहिती उपमुख्यमंत्री अजित पवार यांनी दिली.