दिवाळीत अतिवृष्टीग्रस्त शेतकऱ्यांना दिलासा! आर्थिक मदत देण्यास सुरुवात, विभागनिहाय किती पैसे मिळणार?

मुंबई : दिवाळीत शेतकऱ्यांसाठी दिलासा देणारी बातमी समोर आली आहे. सप्टेंबर २०२५ मध्ये झालेल्या अतिवृष्टी आणि पुरामुळे बाधित झालेल्या महाराष्ट्रातील सातारा, कोल्हापूर, बीड, धाराशिव, लातूर, परभणी आणि नांदेड या सात जिल्ह्यांतील शेतकऱ्यांसाठी राज्य सरकारने आर्थिक मदत वितरण करण्यास सुरूवात केली आहे. या जिल्ह्यांतील एकूण २१ लाख ६६ हजार १९८ शेतकऱ्यांच्या १५ लाख १६ हजार ६८१ हेक्टर क्षेत्रातील पिकांचे नुकसान झाल्याने १३५६ कोटी ३० लाख २२ हजार रुपयांच्या आर्थिक मदतीस मंजुरी देण्यात आली आहे.