Agriculture News : 10 रुपये खर्च,1 चमचा खत; वर्षभर झाडाला लागतील लिंबच लिंबे
- Published by:Ajit Bhabad
Last Updated:
Home Gardening : काही लोक असे आहेत की त्यांच्या घरातील बागेत लिंबाची रोपे लावतात. कधीकधी, चांगली काळजी घेऊनही, लिंबाच्या झाडाला फळे येत नाहीत. या समस्येवर आम्ही एक खास उपाय सांगणार आहोत ज्याचा उपयोग केल्यानंतर तुमच्या झाडाला लिंबेच लिंबे लागतील.
मुंबई : लिंबू हे असं फळ आहे ज्याला वर्षभर बाजारात मागणी असते पण विशेषत: उन्हाळ्याच्या हंगामात मागणीचे प्रमाण जास्त असते. लिंबाचा वापर आपण सॅलड म्हणून तसेच पदार्थांची चव वाढवण्यासाठी आणि मोठ्या प्रमाणात सौंदर्य उत्पादने बनवण्यासाठी केला जातो. लिंबाची लागवड करून शेतकरी मोठा नफा कमवत असतात. काही लोक त्यांच्या घरातील बागेत लिंबाची रोपे लावतात. कधीकधी, चांगली काळजी घेऊनही, लिंबाच्या झाडाला फळे येत नाहीत. या समस्येवर आम्ही एक खास उपाय सांगणार आहोत ज्याचा उपयोग केल्यानंतर तुमच्या झाडाला लिंबेच लिंबे लागतील.
खर म्हणजे जानेवारी महिन्यात लिंबाच्या रोपाची वाढ थांबते. तसेच फळे येणे देखील थांबते पण जर बायोझाइम हे सेंद्रिय उत्पादन वापरले तर झाडाला पानांपेक्षा फळे जास्त लागतील.
बायोझाइम हे एक नैसर्गिक उत्पादन आहे. लिंबाच्या रोपाला बायोझाइम जोडल्याने फळे आणि फुले दोन्हीचे उत्पादन लक्षणीयरीत्या वाढते. वनस्पतीची वाढ देखील वेगाने होते. बायोझाइममध्ये प्रथिने, कार्बोहायड्रेट, अजैविक क्षार, एस्कोफिलम नोडोसम, व्हिटॅमिन के असे अनेक घटक असतात. ज्यामुळे लिंबाचा आकारही वाढतो. त्यामुळे लिंबाच्या झाडासाठी बायोझाइमचा वापर नक्की करावा
advertisement
बायोझाइमचा वापर कसा कराल?
दरम्यान, लिंबाच्या रोपाला बायोझाइम घालण्यासाठी सुरवातीला 1 लिटर ताजे पाणी घ्या. त्यात एक चमचा बायोझाइम घाला आणि चांगले मिसळा. मिश्रण चांगल्या प्रकारे तयार झाल्यानंतर लिंबाच्या रोपाच्या मुळांजवळ खोदून तयार केलेले द्रव खत घाला. हे द्रव खत महिन्यातून फक्त एकदाच वापरावे. असे केल्यास काही दिवसांनी लिंबाचे झाड फळांनी भरलेले दिसून येईल.
Location :
Mumbai,Maharashtra
First Published :
Jan 19, 2025 9:23 AM IST
