काय सांगता! 10 आंब्यात येईल तोळाभर सोनं, परभणीच्या शेतकऱ्याने पिकवला पैसे देणारा आंबा, Video
- Published by:Mohan Najan
- Reported by:Prachi Balu Kedari
Last Updated:
या शेतकऱ्याच्या बागेतील काही खास आंबे 10 हजार रुपये प्रति आंबा या दराने विकले जात आहेत. त्यांनी हा प्रथमच भारतात प्रयोग केल्यामुळे सर्वांना त्याचे विशेष कुतूहल वाटतं आहे.
पुणे : पारंपरिक शेतीच्या पलीकडे जाऊन नव्या कल्पना आणि आधुनिक शेतीचा संगम कसा यशस्वी होऊ शकतो याचे उत्तम उदाहरण म्हणजेच परभणी जिल्ह्यातील शेतकरी चंद्रकांत देशमुख ठरत आहेत. त्यांनी आपल्या मेहनतीने आणि नव्या प्रयोगांनी आंब्याच्या 55 जगप्रसिद्ध जातींची लागवड केली आहे. विशेष म्हणजे, या शेतकऱ्याच्या बागेतील काही खास आंबे 10 हजार रुपये प्रति आंबा या दराने विकले जात आहेत. त्यांनी हा प्रथमच भारतात प्रयोग केल्यामुळे सर्वांना त्याचे विशेष कुतूहल वाटतं आहे.
मूळचे परभणीचे असलेले शेतकरी चंद्रकांत देशमुख हे गेली अनेक वर्ष झालं आंब्याची शेती करत असून आता जवळपास 55 प्रकारच्या व्हरायटी त्यांच्याकडे आहेत. या आंब्यामध्ये एक आंबा 10 हजार रुपयांना आहे. आरोग्यासाठी अतिशय फायदेशीर असं हे फळ असल्यामुळे बाजारात मोठी मागणी आहे. 2 एकरमध्ये विविध प्रकारचे आंबे लागवड त्यांनी केली आहेत.
advertisement
गेली 14 वर्ष झालं केसर आंब्याचे उत्पादन घेत आहे. परंतु केसर आंबा हा उशिराने सुरू होतो. त्यामुळे त्याला भाव भेटत नाही. वातावरणामुळे नुकसान देखील होतं. याला पर्याय म्हणून जो आंबा बाजारात लवकर येऊन त्याचा देठ सशक्त असेल असा आंबा निवडून तो चांगला नफा मिळवून देऊ शकतो. भारतातील 28 प्रकारच्या व्हरायटी लावल्यानंतर हा परिणाम जाणवला नाही. इंटरनॅशनल एक्सिबिशन बांगलादेश, सिंगापूरला गेल्यानंतर जगातील सगळ्या व्हरायटी जमा केल्या त्या जवळपास 55 व्हरायटी आहेत. त्यामधल्या 10 व्हरायटी या लवकर येतात. कमीत कमी 500 रुपयांपासून पासून हे आंबे मिळतात. तर एक आंबा 10 हजार रुपयांना देखील आहे,असं शेतकरी चंद्रकांत देशमुख सांगतात.
advertisement
मिया झाकी हा जगातील सगळ्यात सुंदर आंबा असून त्याचा TSS 15 आहे. अँटी कॅन्सर आणि मिनरल्स असलेला हा आंबा असल्यामुळे भारतात एक आंबा 10 हजार रुपये तर जपानमध्ये 2 लाख 40 हजार रुपये किलोचा दर आहे. डॉक्टर तसेच डायबिटीस असणारे लोक हा आंबा आता सध्या खरेदी करत आहेत.
advertisement
थायलंडची नॉम डॉग माय व्हरायटी सगळ्यात चांगली असून मधासारखी गोड आहे. थायलंडमध्ये त्याचा TSH 16 परंतु आपल्याकडे 24 येत आहे. सीड लेस विना फायबर आणि 500 रुपये किलो प्रमाणे आहे. त्यामुळे सर्व शेतकऱ्यांना परवडणारा आहे. हे आंबे भारतीय आंब्याच्या तुलनेत अधिक नफा मिळवून देणारी आहेत. भारतासह परदेशात याला मागणी असल्याने विक्री चांगली होते. होंग झू तैवानची व्हरायटी, एक्स सायंस सी, रेड यव्हरी, सिमोंग, पराहित, बनाना, परशिमन अशा विविध प्रकारच्या व्हरायटी आंबे हे लावले आहेत, अशी माहिती शेतकरी चंद्रकांत देशमुख यांनी दिली आहे.
Location :
Pune,Maharashtra
First Published :
April 22, 2025 5:57 PM IST
मराठी बातम्या/कृषी/
काय सांगता! 10 आंब्यात येईल तोळाभर सोनं, परभणीच्या शेतकऱ्याने पिकवला पैसे देणारा आंबा, Video
