Success Story : एकदा लागवड अन् वर्षानुवर्षे उत्पादन, मराठवाड्यातील शेतकऱ्याने केली पानाची शेती, 3 लाख निव्वळ नफा

जालना जिल्ह्यातील भारज हे गाव पानमळ्याची शेती करण्यासाठी प्रसिद्ध आहे. या गावातील बारी समाज मुख्यत्वे हे काम करतो. परंपरेने बारी समाज पानमळ्याची शेती करत आला आहे. पावसाळ्यात साधारणपणे जून महिन्यात पानाची लागवड केली जाते. तत्पूर्वी शेवगी किंवा शेवगा लावला जातो. या मळ्यात सावली गरजेची असते तसेच वेलीला आधार देण्यासाठी या झाडांचा वापर केला जातो.

एकदा लागवड केली की वर्षानुवर्षे पानाचे उत्पादन घेता येते. परंतु, पानमळ्याच्या शेतीला विमा संरक्षण नाही. यामुळे आपत्तीत नुकसान झाल्यास भरपाई मिळत नाही. छत्रपती संभाजीनगर, बुलढाणा, जालना इत्यादी ठिकाणी पानांची विक्री होते. अर्धा एकरात 5 लाख रुपये होतात. खर्च वजा जाता 3 लाख रुपये नफा राहतो, असं मंगेश बेराड यांनी सांगितलं.