ओल्या सोयाबीनला बाजारभाव कमी मिळतोय? आद्रता कशी कमी करायची? एक्स्पर्ट दिला सल्ला

एक्स्पर्टने दिलेल्या माहितीनुसार, अनेक वेळा अनियमित पाऊस, सकाळी पडणारे दव, ढगाळ वातावरण किंवा पिकाची घाईगडबडीत केलेली काढणी. यामुळे सोयाबीनच्या दाण्यांमध्ये ओलाव्याचे प्रमाण वाढते. बाजारात 10–12 टक्के ओलावा स्वीकारला जातो. परंतु त्याहून अधिक ओलावा असल्यास व्यापारी दर मोठ्या प्रमाणात कमी करतात. त्यामुळे शेतकरी नुकसान टाळण्यासाठी ओलावा कमी करण्याचे उपाय शोधत आहेत.

सोयाबीनचा ओलावा कमी करण्याचा हा सर्वात सोपा आणि खर्च न होणारा उपाय आहे.

धूळ, ओलसर जमीन किंवा माती मिसळू नये म्हणून प्लास्टिक शीटवर वाळवणे अधिक फायदेशीर ठरतं. यामुळे दाणे स्वच्छ राहतात आणि व्यापारी सरस दाणा म्हणून अधिक दर देतात.

धान्यातील काडी, पाने आणि मातीचे कण आधी काढून टाकावेत. स्वच्छ धान्य लवकर कोरडे होते. काही ठिकाणी छोटे पॉलिश मशीन उपलब्ध आहेत, ज्यामुळे दाण्यांचा ओलावा कमी होतो.

अनेक ठिकाणी कृषी केंद्रे, सहकारी संस्था किंवा खाजगी व्यापाऱ्यांकडे धान्य वाळवण्यासाठी ग्रेन ड्रायर उपलब्ध आहेत. ड्रायरमध्ये धान्य 3–4 तासांत वाळते. पावसाळ्यात किंवा सतत ढगाळ हवामानात हा पर्याय फायदेशीर ठरतो. या प्रक्रियेला थोडासा खर्च लागतो पण नंतर मिळणारा चांगला बाजारभाव हा खर्च भरून काढतो.