Iran War: PMO मध्ये खलबतं! 'मिशन होर्मुझ'चा मास्टरप्लॅन, आता थेट भारतीय नौदल उतरणार?

नवी दिल्ली: इराण आणि अमेरिका-इस्रायल यांच्यात पेटलेल्या भीषण युद्धाचा सर्वाधिक फटका आता जागतिक सागरी व्यापाराला बसू लागला आहे. जगातील इंधन पुरवठ्यासाठी अत्यंत महत्त्वाचा असलेली 'होर्मुझची सामुद्रधुनी' (Strait of Hormuz) हा भाग सध्या युद्धाचा आखाडा बनला आहे. या भागात सातत्याने होणाऱ्या हल्ल्यांमुळे तेल आणि गॅसची वाहतूक पूर्णपणे ठप्प झाली आहे. मात्र, सर्वात चिंतेची बाब म्हणजे, या युद्धक्षेत्रात भारताची ४० जहाजे आणि १,१०० पेक्षा जास्त नाविक अडकले आहेत. त्यांच्या सुरक्षेसाठी आता भारत सरकार मोठे पाऊल उचलण्याच्या तयारीत आहे.