राज्याच्या अर्थसंकल्पात शेतकरी कर्जमाफीची घोषणा होणार? कर्जमाफीसाठी किती पैशांची गरज? अपडेट आली समोर

मुंबई : राज्यातील कर्जाच्या ओझ्याखाली दबलेल्या बळीराजाला दिलासा देण्यासाठी राज्य सरकार महत्त्वाकांक्षी ‘शेतकरी कर्जनिवारण योजना’ आणण्याच्या तयारीत आहे. या योजनेसाठी सुमारे ३५ हजार कोटी रुपयांची तरतूद आवश्यक असल्याचा प्राथमिक अंदाज असून, आगामी अर्थसंकल्पी अधिवेशनात याबाबत अधिकृत घोषणा होण्याची दाट शक्यता वर्तवली जात आहे. ही योजना केवळ एकदाची कर्जमाफी न राहता शेतकऱ्यांच्या दीर्घकालीन सक्षमीकरणाच्या दृष्टीने ‘कर्ज निवारण’ या व्यापक संकल्पनेतून राबवली जाणार असल्याची माहिती सूत्रांकडून मिळत आहे.