अहिल्यानगरच्या लांडगे कुटुंबीयांची मेहनत फळाला आली! या पिकातून मिळणार दीड कोटी रूपये

अहिल्यानगर : पारंपरिक शेतीला पर्याय म्हणून फळबाग शेतीचा स्वीकार केल्यास मोठे आर्थिक यश मिळू शकते, याचे उत्तम उदाहरण निंबळक सारोळा बद्दी (ता. अहिल्यानगर) येथील लांडगे कुटुंबीयांनी घालून दिले आहे. प्रगतशील शेतकरी भीमराज लांडगे, सुभाष लांडगे आणि बाळासाहेब लांडगे यांनी सुमारे १४ एकर क्षेत्रावर संत्र्यांची लागवड करून उत्पादन वाढीसोबतच आर्थिकदृष्ट्या मोठी प्रगती साधली आहे. या बागेतून त्यांना जवळपास दीड कोटी रुपयांपर्यंत उत्पन्न मिळण्याची अपेक्षा आहे.