अंड्यांचे उत्पादन वाढवण्याबाबत राज्य सरकारचा मोठा निर्णय! २१ हजारांचे युनिट मोफत मिळणार, पात्रता काय?

मुंबई : राज्यातील अंड्यांची वाढती मागणी आणि मर्यादित उत्पादन यामधील तफावत भरून काढण्यासाठी राज्य सरकारने मोठे पाऊल उचलले आहे. पशुसंवर्धन विभागातर्फे प्रत्येक जिल्ह्यात किमान एक हजार लाभार्थ्यांना “व्हाइट लेगहॉन” जातीच्या कोंबड्या आणि पिंजरा असे प्रत्येकी २१ हजार रुपये किंमतीचे युनिट देण्याची नवी योजना लवकरच राबविण्यात येणार आहे. या योजनेत महिलांच्या बचत गटांनाही सहभागी करून घेण्यात येणार आहे, ज्यामुळे ग्रामीण भागात अंड्यांचे उत्पादन वाढविण्यासोबत रोजगारनिर्मितीलाही चालना मिळेल.