सोयाबीनचे दर वाढले, कापूस आणि कांद्याला आज काय मिळाला भाव? चेक करा एका क्लिकवर

कृषी मार्केट वेबसाईटवरील सायंकाळी 6.30 वाजताच्या रिपोर्टनुसार, आज राज्यातील कृषी मार्केटमध्ये कपाशीची एकूण आवक 15 हजार 151 क्विंटल इतकी झाली. 5 हजार 750 क्विंटल सर्वाधिक आवक वर्धा मार्केटमध्ये झाली. त्याठिकाणी कमीत कमी 7 हजार 650 तर जास्तीत जास्त 8 हजार 223 रुपये प्रतिक्विंटल बाजारभाव मिळाला. वर्धा मार्केटमध्ये आलेल्या लांब स्टेपल कपाशीला सर्वाधिक 8 हजार 315 रुपये बाजारभाव मिळाला. रविवारी मिळालेल्या सर्वाधिक दराच्या तुलनेत आज कपाशीच्या दरात किंचित वाढ झाली आहे.

आज राज्यातील कृषी मार्केटमध्ये 2 लाख 13 हजार 580 क्विंटल कांद्याची आवक झाली. यातील नाशिक मार्केटमध्ये 1 लाख 16 हजार 771 क्विंटल लाल कांद्याची सर्वाधिक आवक झाली. त्याठिकाणी कांद्याला कमीतकमी 579 ते जास्तीत जास्त 1 हजार 697 रुपये प्रतिक्विंटल बाजार भाव मिळाला. अमरावती मार्केटमध्ये आवक झालेल्या लाल कांद्याला सर्वाधिक 2 हजार 700 रुपये बाजारभाव मिळाला. रविवारी मिळालेल्या कांद्याच्या सर्वाधिक दरात वाढ झाली आहे.

आज राज्यातील कृषी मार्केटमध्ये एकूण 47 हजार 505 क्विंटल सोयाबीनची आवक झाली. आज सोयाबीनची 7 हजार 990 क्विंटल सर्वाधिक आवक वाशिम मार्केटमध्ये झाली. त्याठिकाणी सोयाबीनला कमीत कमी 4 हजार 805 ते जास्तीत जास्त 5 हजार 323 रुपये प्रतिक्विंटल सर्वाधिक बाजारभाव मिळाला. वाशिम मार्केटमध्ये आलेल्या पिवळ्या सोयाबीनला 5 हजार 850 रुपये प्रतिक्विंटल सर्वाधिक बाजार भाव मिळाला. रविवारी मिळालेल्या सर्वाधिक दरात आज वाढ झालेली दिसून येत आहे.

आज राज्यातील कृषी मार्केटमध्ये एकूण 37 हजार 086 क्विंटल तुरीची आवक झाली. यापैकी जालना मार्केटमध्ये 12 हजार 901 क्विंटल पांढऱ्या तुरीची सर्वाधिक आवक नोंदवण्यात आली. त्याठिकाणी तुरीला 6 हजार 263 ते 7 हजार 261 रुपये प्रतिक्विंटल बाजारभाव मिळाला. तसेच जालना मार्केटमध्ये आलेल्या काळ्या तुरीला 8 हजार 200 रुपये प्रतिक्विंटल असा सर्वाधिक बाजार भाव मिळाला. रविवारी मिळालेल्या दराच्या तुलनेत आज तुरीच्या सर्वाधिक दरात वाढ झाली आहे.