शेतकऱ्यांच्या पदरी पुन्हा निराशा, सोयाबीन दर घसरले, तूर आणि कांद्याला काय मिळाला भाव?

कृषी मार्केट वेबसाईटवरील सायंकाळी 6.30 वाजताच्या रिपोर्टनुसार, आज राज्यातील कृषी मार्केटमध्ये कपाशीची एकूण आवक 13 हजार 055 क्विंटल इतकी नोंदविण्यात आली. 2 हजार 139 क्विंटल सर्वाधिक आवक जालना मार्केटमध्ये झाली. त्याठिकाणी कमीतकमी 7690 ते जास्तीत जास्त 8010 रुपये प्रतिक्विंटल बाजारभाव मिळाला. वर्धा मार्केटमध्ये आज कपाशीला सर्वाधिक 8035 रुपये बाजारभाव मिळाला. बुधवारी मिळालेल्या सर्वाधिक दराच्या तुलनेत आज कपाशीच्या दरात किंचित वाढ झाली आहे.

आज राज्यातील कृषी मार्केटमध्ये 2 लाख 34 हजार 781 क्विंटल कांद्याची आवक झाली. यातील नाशिक मार्केटमध्ये 83 हजार 825 क्विंटल लाल कांद्याची सर्वाधिक आवक झाली. त्याठिकाणी कांद्याला कमीतकमी 454 ते जास्तीत जास्त 1734 रुपये प्रतिक्विंटल बाजार भाव मिळाला. पुणे चिंचवड आणि सोलापूर मार्केटमध्ये आवक झालेल्या कांद्याला सर्वाधिक 2300 रुपये बाजारभाव मिळाला. बुधवारी मिळालेल्या सर्वाधिक दराच्या तुलनेत आज कांद्याच्या दरात घट झालेली दिसून येत आहे.

आज राज्यातील कृषी मार्केटमध्ये एकूण 56 हजार 141 क्विंटल सोयाबीनची आवक झाली. आज सोयाबीनची 12 हजार 998 क्विंटल सर्वाधिक आवक लातूर मार्केटमध्ये झाली. त्याठिकाणी सोयाबीनला कमीतकमी 4193 ते जास्तीत जास्त 5012 रुपये प्रतिक्विंटल बाजारभाव मिळाला. पिवळ्या सोयाबीनला 5813 रुपये सर्वाधिक बाजार भाव वाशिम मार्केटमध्ये मिळाला. गुरुवारी मिळालेल्या सर्वाधिक दरात आज पुन्हा घट झालेली दिसून येत आहे.

आज राज्यातील कृषी मार्केटमध्ये एकूण 22 हजार 581 क्विंटल तुरीची आवक झाली. यापैकी जालना मार्केटमध्ये 5 हजार 060 क्विंटल पांढऱ्या तुरीची सर्वाधिक आवक नोंदवण्यात आली. त्याठिकाणी तुरीला 5000 ते 7588 रुपये प्रतिक्विंटल बाजारभाव मिळाला. तसेच बीड मार्केटमध्ये आलेल्या 2 क्विंटल काळ्या तुरीला 8690 रुपये प्रतिक्विंटल असा सर्वाधिक बाजार भाव मिळाला. बुधवारी मिळालेल्या दराच्या तुलनेत आज तुरीच्या सर्वाधिक दरात पुन्हा घट झाली आहे.