शेतकऱ्यांसाठी महत्वाची अपडेट! Agristack पोर्टलवर 'या' चूका केल्यास इतर योजनांसह कर्जमाफीचा लाभ मिळणार नाही

देशातील सर्व शेतकऱ्यांची माहिती एकाच डिजिटल प्लॅटफॉर्मवर उपलब्ध करून देण्याच्या उद्देशाने हे पोर्टल विकसित करण्यात आले आहे. सध्या या प्रणालीमध्ये २०२४ पर्यंतची माहिती पूर्णपणे समाविष्ट करण्यात आली असून त्या कालावधीतील शेतकऱ्यांचे फार्मर आयडी तयार झाले आहेत. मात्र, २०२५ मध्ये ७/१२ उताऱ्यावर फेरफार, वारस नोंद किंवा नवीन जमीन खरेदी करून शेतीत प्रवेश केलेल्या शेतकऱ्यांची माहिती अद्याप अपलोड करण्यात आलेली नाही.

दरम्यान, या पार्श्वभूमीवर संबंधित यंत्रणांनी तातडीने माहिती अद्ययावत करून नव्या शेतकऱ्यांचे फार्मर आयडी तयार करावेत, अशी मागणी शेतकरी वर्गातून होत आहे. अन्यथा, शासकीय योजनांचा लाभ मिळण्यात उशीर होऊन आर्थिक फटका बसण्याची भीती व्यक्त केली जात आहे.