PM Kisan चा २१ वा हप्ता कधी येणार? महत्वाची अपडेट आली समोर

मागील काही दिवसांपासून अशी चर्चा सुरू होती की, सरकार दिवाळीपूर्वीच हा हप्ता शेतकऱ्यांच्या खात्यात जमा करेल. मात्र, अद्याप केंद्र सरकारकडून किंवा कृषी विभागाकडून यासंदर्भात कोणतीही अधिकृत घोषणा करण्यात आलेली नाही. तसेच दिवाळी जवळ आल्याने आता या कालावधीत हप्ता येण्याची शक्यता कमी मानली जात आहे.

सरकारकडून वेळोवेळी अशा शेतकऱ्यांची तपासणी केली जाते ज्यांनी अपात्र असतानाही या योजनेचा लाभ घेतला आहे. अशा प्रकरणांमध्ये संबंधित शेतकऱ्यांचे अर्ज रद्द केले जातात, तसेच पूर्वी मिळालेल्या रकमेची वसुली देखील केली जाऊ शकते. त्यामुळे शेतकऱ्यांनी आपल्या पात्रतेबाबत पूर्ण खात्री करूनच योजना सुरू ठेवावी, असा सल्ला तज्ज्ञ देत आहेत.

पंतप्रधान किसान योजनेतील लाभ घेण्यासाठी दोन गोष्टी करणे अत्यंत आवश्यक आहे. जसे की, ई-केवायसी पूर्ण करणे, जमीन पडताळणी (Land Verification) करणे. तसेच ज्या शेतकऱ्यांनी ही दोन्ही प्रक्रिया पूर्ण केलेली नाही, त्यांचा हप्ता थांबवला जाऊ शकतो किंवा विलंबाने मिळू शकतो. त्यामुळे शेतकऱ्यांनी शक्य तितक्या लवकर या प्रक्रिया पूर्ण कराव्यात, जेणेकरून पुढील हप्ता त्यांच्या खात्यात वेळेवर जमा होईल.