महसूल विभागाचा मोठा निर्णय! खरेदीखताआधीच जमिनीची हद्द कायम केली जाणार

पुणे : राज्यातील जमिनींचे व्यवहार अधिक पारदर्शक, सुरक्षित आणि वादमुक्त व्हावेत यासाठी महसूल विभागाने मोठा निर्णय घेतला आहे. आता राज्यात जमिनींचे व्यवहार ‘आधी मोजणी, मग खरेदीखत आणि त्यानंतर फेरफार’ या त्रिसूत्री पद्धतीने होणार आहेत. महसूलमंत्री चंद्रशेखर बावनकुळे यांनी याबाबतची घोषणा केली असून, या उपक्रमामुळे सामान्य नागरिकांसाठी जमीन आणि सदनिका खरेदी अधिक सुलभ होईल, असा विश्वास त्यांनी व्यक्त केला.