शेतकऱ्यांसह नागरिकांसाठी महत्वाची बातमी! 1,2 गुंठे जमीन खरेदी- विक्रीसाठी नियम जाहीर

मुंबई : महाराष्ट्र सरकारने काही महिन्यांपूर्वी झालेल्या पावसाळी अधिवेशनामध्ये तुकडेबंदी कायदा रद्द करण्याचा निर्णय घेतला आहे. त्यामुळे आता राज्यात एक ते दोन गुंठ्यांच्या जमिनींची खरेदी-विक्री पूर्णपणे कायदेशीर आणि अधिकृत पद्धतीने करता येणार आहे. आतापर्यंत या आकाराच्या जमिनींची नोंदणी परवानगी नसल्याने अनेक व्यवहार बेकायदेशीररित्या होत होते. त्यामुळे अनेक नागरिकांची फसवणूक होत होती आणि भूमाफियांचा पायपसारा वाढत होता. मात्र, नवीन नियमावलीमुळे अशा गैरप्रकारांना आळा बसेल आणि सामान्य नागरिकांना कायदेशीर संरक्षण मिळेल.