पिवळ्या सोयाबीनला किती मिळतोय दर? बाजारभाव वाढणार का? वाचा मार्केट अपडेट

मुंबई : राज्यातील विविध बाजार समित्यांमध्ये शनिवारी (११ ऑक्टोबर) सोयाबीनची एकूण आवक ३७ हजार ७१३ क्विंटल नोंदवली गेली असून सर्वसाधारण दर ३ हजार ९०३ रुपये प्रति क्विंटल इतका होता. मागील काही दिवसांच्या तुलनेत आज बाजारात आवक किंचित कमी दिसून आली. विशेष म्हणजे चंद्रपूर येथे केवळ ११ क्विंटल इतकीच आवक झाली, तर लातूर बाजारात सर्वाधिक म्हणजे तब्बल ९ हजार ४५० क्विंटल सोयाबीन विक्रीसाठी आली. दरांमध्ये प्रदेशानुसार चढ-उतार दिसून आला. काही ठिकाणी किमान दर २ हजार ८०० रुपये तर जास्तीत जास्त ४ हजार ४८१ रुपये प्रति क्विंटल इतका होता.