राज्यातील गायरान जमिनी वापरण्यासाठी राज्य सरकारकडून नवीन नियम जाहीर!

मुंबई : राज्यातील गायरान जमिनींच्या वापरासंदर्भात महत्त्वाचा निर्णय घेण्यात आला असून त्यासाठी कायद्यात बदल करण्यात आला आहे. महसूल मंत्री चंद्रशेखर बावनकुळे यांनी सादर केलेले महाराष्ट्र जमीन महसूल संहिता (सुधारणा) विधेयक विधानसभेत एकमताने मंजूर करण्यात आले. या निर्णयामुळे राज्यातील हजारो हेक्टर गायरान जमीन सार्वजनिक आणि जनहिताच्या कामांसाठी वापरण्याचा मार्ग मोकळा झाला आहे. यापूर्वी या जमिनींचा उपयोग मर्यादित होता, त्यामुळे अनेक विकासकामे प्रलंबित राहायची.