केंद्र सरकारचा मोठा निर्णय! दुधाळ पशुधनाचा विमा काढला जाणार, किती रक्कम भरावी लागणार?

डॉ. देवरे यांनी सांगितले की, ‘‘पशुपालक आणि दुधाळ पशुधनाला आर्थिक सुरक्षा मिळावी, यासाठी केंद्र सरकारच्या वतीने ही विमा योजना सुरू करण्यात आली आहे. ही योजना दूध उत्पादन आणि जनावराच्या आर्थिक मूल्यानुसार असेल. प्रत्येक विमा घेतलेल्या गाय-म्हशीला मायक्रोचिप लावली जाणार आहे, ज्यामुळे जनावराचे आरोग्य, लसीकरण आणि दूध उत्पादनावर डिजिटल नियंत्रण ठेवता येईल. तसेच, ही योजना ऐच्छिक (optional) स्वरूपाची असेल, त्यामुळे इच्छुक पशुपालक सहभागी होऊ शकतील,’’ असे त्यांनी स्पष्ट केले.

डॉ. देवरे यांच्या मते, “राज्यात दरवर्षी अतिवृष्टी, पूर, किंवा साथरोगामुळे हजारो दुधाळ जनावरे मृत्युमुखी पडतात. त्यावेळी शेतकऱ्यांना मोठा आर्थिक फटका बसतो. त्यामुळे या विमा योजनेतून शेतकऱ्यांना स्थैर्य आणि आर्थिक संरक्षण मिळेल.”

दरम्यान, सरकारचा उद्देश या योजनेद्वारे दुग्ध व्यवसायाला चालना देणे, पशुपालकांचा आत्मविश्वास वाढवणे आणि ग्रामीण अर्थव्यवस्थेला स्थैर्य मिळवून देणे हा आहे. विमा योजनेमुळे दुग्ध व्यवसायातील जोखीम कमी होईल, तसेच पशुपालकांना भविष्यातील आर्थिक संकटांपासून दिलासा मिळेल, अशी अपेक्षा व्यक्त करण्यात येत आहे.