Onion Export : 20 टक्के निर्यात शुल्क रद्दच्या आंमलबजावणीला सुरवात! चेन्नई,मुंबई बंदरावर लगबग वाढली,कांद्याचे दर किती वाढणार?

गेल्या दोन वर्षांत सरकारने कांद्याच्या किमती नियंत्रणात ठेवण्यासाठी वेळोवेळी हस्तक्षेप केला होता. याचा फटका थेट उत्पादकांना बसला, कारण बाजारात कमी दर मिळाल्याने त्यांची आर्थिक स्थिती कमकुवत झाली. चालू हंगामात उन्हाळ कांद्याची मोठ्या प्रमाणात आवक झाली असली, तरी उत्पादन खर्चाच्या तुलनेत विक्रीतून मिळणारा परतावा अपुरा ठरत होता. त्यामुळे सरकारकडे वारंवार निर्यात निर्बंध उठवण्याची मागणी होत होती. अखेर सरकारने शुल्क हटवल्याने निर्यातदारांना मोकळीक मिळाली आहे.

मार्चच्या अखेरीस कांदा बाजार बंद असल्याने 2 एप्रिलपासूनच नव्या दरांचे चित्र स्पष्ट होईल.

1 एप्रिलपासून - चेन्नईतील सीमाशुल्क विभागात कांदा निर्यातीची नोंदणी सुरू.

मुंबई बंदर - मोठ्या संख्येने निर्यात नोंदणीमुळे संगणक प्रणालीवर ताण; दुपारनंतर कामकाज सुरळीत.

दरम्यान, कांदा उत्पादक, व्यापारी आणि निर्यातदारांसाठी हा निर्णय मोठा दिलासा ठरला आहे. जागतिक बाजारपेठेत भारतीय कांद्याच्या मागणीला आता पुन्हा चालना मिळेल, अशी अपेक्षा आहे.