शेतकऱ्यांसाठी गुड न्यूज! अभ्यास दौऱ्याच्या अनुदानात केली मोठी वाढ, किती पैसे मिळणार?

मुंबई : राज्यातील शेतकऱ्यांना जागतिक स्तरावरील आधुनिक शेती तंत्रज्ञान, निर्यात प्रक्रिया आणि प्रगत कृषी पद्धतींची माहिती मिळावी, यासाठी आयोजित करण्यात येणाऱ्या परदेश अभ्यासदौऱ्यांवरील अनुदानात राज्य सरकारने मोठी वाढ केली आहे. यापूर्वी प्रत्येक शेतकऱ्याला मिळणारे कमाल अनुदान १ लाख रु इतके होते. आता ते वाढवून २ लाखांपर्यंत करण्यात आले आहे. वाढती महागाई आणि डॉलर-युरोच्या विनिमय दरातील वाढ लक्षात घेऊन हा निर्णय घेण्यात आला असून, याबाबतचा शासन निर्णय मंगळवारी जारी करण्यात आला.