PM मोदींच्या चष्म्याने लक्ष वेधलं, डोळ्यांवर लावताच तुम्हीही थक्क व्हाल; भारताच्या पहिल्या AI वेअरेबलची जगभरात चर्चा

Sarvam Kaze हे साधं स्मार्ट ग्लास नाही. हे AI-आधारित वेअरेबल युझर्सचे बोलणं ऐकू शकतं, ते समजू शकतं आणि तत्काळ प्रतिसाद देऊ शकतं. इतकंच नाही तर युझर जे पाहतो, तेही हे डिव्हाइस रिअल-टाइममध्ये प्रोसेस करू शकतं.

Sarvam Kaze हे देशातील स्टार्टअप Sarvam AI ने विकसित केलं आहे. डिझाईनपासून ते तांत्रिक विकासापर्यंत संपूर्ण उत्पादन भारतातच तयार करण्यात आलं आहे. कंपनी स्वतःला पूर्णपणे स्वदेशी AI प्रॉडक्ट म्हणून सादर करत आहे. याशिवाय डेव्हलपर्सना Sarvam प्लॅटफॉर्मवर कस्टम अ‍ॅप्लिकेशन्स तयार करण्याचीही सुविधा असेल. म्हणजेच विशिष्ट गरजांसाठी स्वतंत्र AI-आधारित अनुभव विकसित करता येतील.

भारत मंडपम येथे 16 ते 20 फेब्रुवारीदरम्यान आयोजित ‘इंडिया AI इम्पॅक्ट समिट 2026’मध्ये पंतप्रधान मोदी यांनी या डिव्हाइसचा वापर केला. Sarvam AI चे सह-संस्थापक प्रत्युष कुमार यांनी शेअर केलेल्या छायाचित्रांमध्ये पंतप्रधान प्रदर्शन पाहताना या डिव्हाइसच्या रिअल-टाइम क्षमतांची चाचणी घेत असल्याचं दिसतं. कंपनीच्या माहितीनुसार Sarvam Kaze मे महिन्यात बाजारात उपलब्ध होण्याची शक्यता आहे.

Sarvam AI ही भारतीय गरजांनुसार ‘फाउंडेशनल AI मॉडेल्स’ विकसित करणाऱ्या टीम्सपैकी एक आहे. भारतीय भाषांसाठी मोठी भाषा मॉडेल्स (LLMs) आणि स्पीच मॉडेल्स तयार करण्यावर त्यांचा भर आहे.

ही संपूर्ण घडामोड ‘IndiaAI Mission’च्या पार्श्वभूमीवर महत्त्वाची मानली जाते. मार्च 2024 मध्ये केंद्र सरकारने 10,372 कोटी रुपयांच्या तरतुदीसह हे मिशन सुरू केले.